-
Published On: Mon, May 13th, 2013

Xaaladda Magaalada Burco Oo Farah aka Baxday Kadib Mudaharaadyo Rabshado Wataa ka Dheceen

Smiley face
Share This
Tags

bre1Burco(Araweelo News Network) Xaaladda magaaladda Burco ayaa ka sii daraysa. Kadib markii Mudaharaadyo rabshado wataa ka dhaceen maanta halkaa.

 

Rabshadahaa ayaa ka dhashay Gaadiidka loo yaqaan Iskarogooyinka, kuwaas oo loo diiday inay Dooxa ka gurtaan Niista, balse wararka hordhaca ah ayaa sheegaya in markaa ka dib ay Mamulka Dawlada Hoose xidh-xidheen qaar ka mid ah Gaadiidkaa.

Sida ay sheegeen Masuuliyiinta Gobolka waxa bilaabmay mudaharaad rabshado wata, kaas oo sababay in Ciidanka Booliska ee RRU goobta soo gaadheen. Kadibna rasaas ay doonayeen inay dadka ku kala kexeeyaan ay sababtay dhimashada Hal qof oo fadhiyay Goob shaaha laga cabo, iyadoo sidoo kale dhaawac soo gaadhay ilaa inta la ogyahay laba qof.

Hase yeeshee sida ay sheegayaan wararka ka imanaya Burco waxa sii fiday mudaharaadyada rabshadaha wata, kuwaas oo ay awoodi waayeen inay gacanta ku qabtaan maamulku, taas oo magaalada u ekaysiisay meel fawdo ah, iyadoo gaadiid iyo meherado badan la bur-buriyay.

Masuuliyiinta Xukuumadda ayaa weli ka hadlin dhacdadaa oo si weyn xaalada magaalada  wax uga bedeshay.
Wixii kasoo kordha kala soco shebekadda Araweelo News

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>