-
Published On: Sun, May 23rd, 2010

Wasiirkii Labaad Ee Ka Tirsan Xukuumada Rayaale Oo Mudo Todobaad Gudihii Daad Qaaday

Smiley face
Share This
Tags

 

Hargeysa (ANN)- Wasiirka Wasaarada ganacsiga Somaliland Abiib Xasan Filfil ayaa daad ku  qaaday maanta gelinkii danbe isaga oo wata gaadhigiisa laagta biyo mareenka ee Xaafada Goljano oo ku taala magaalada Hargeysa.   Haseyeeshee dadka degan xaafada ayaa usoo gurmaday wasiirka oo kasoo dhexsaaray gaadhiga oo qalibmay.

 

 

Ma jiro khasaare soo gaadhay masuulkaa, balse gaadhigii uu watay ayaa daadku la tegey. Roobab maanta duhurkii ka bilaabmay oo dabayl watay ayaa keenay inay gaadiidku awoodi waayaan inay socdaan, waxaana wadooyinka laamiga buuxiyay dhagxaan uu daadka xooga badan ee Roobkaasi keenay, balse ilaa hada lama oga khasaaraha ka dhashay Roobkaa oo dayay dhawr saacadood.  Sidoo kale waxa dabaysha uu roobku watay wadoooyinka keentay dhir waaweyn oo dabayshu riday. Kadibna daadku soo qaaday, islas markaana waxa dumay  dhismayaal gidaaro oo qaarkood ku yaaliin dhinaca shacabka.

Wasiirka ganacsiga ee daadku qaaday isaga iyo gaadhigiisa ayaa noqonaya wasiirkii labaad ee ka tirsan xukuumada Rayaale ee daad qaado wax ka yar laba todobaad, iyadoo wasiir ku xigeenkii caddaalada Yuusuf Tallaabo uu todobaadkii hore daad ku qaaday isaga iyo gaadhigiisa godcaanood oo  u dhaxaysa Ceergaabo iyo Ceel-Afweyn, halkaa oo uu ku nafwaayay mid ka mid ah askarta ilaaladiisu.

 

By,  Carraale  M. Jama  Freelance Journalist and Human Rights Activist 

Araweelonews Hargeysa Office  

E-mail; Info@araweelonews.com

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>