Hargeysa(ANN)Wasiirka Arrimaha Debada Somaliland Dr.Maxamed Cabdillaahi Cumar ayaa sharaxaad ka bixiyey siyaasadda arrimaha debadda ee Somaliland ee xillagan lagu jiro iyo halka ay marayaan wadahadaladii Somaliland la lahayd Somalia, isagoo sheegay inay
wasaarad ahaan arrinta wadahadalka wada shaqayn kala leeyihiin gudiyada siyaasadda arrimaha dibada ee Guurtida iyo Wakiilada Somaliland. wasiirku wuxuu sidaa ka sheegay kadib kulan uu maanta la yeeshay guddida arrimaha debadda u qaabilsan Golaha Guurtida Somaliland.
Wasiirka Arrimaha Debedda Somaliland, wuxuu faah faahin ka bixiyey kulankaa, isagoo yidhi, “Waxaanu ka wada hadalnay siyaasada qaranka ee khaasatan ku wajahan arrimaha Soomaaliya. waxaan Golaha Guurtida Guddida u qaabilsan siyaasada arrimaha dibeda aan warbixino iyo tallo iska waydaarsanay sida ay Xukuumadd u wajahayso , waxaana meesha ka soo baxay Isfahan wanaagsan iyo iyada oo Guurtida , Baarlamaanka iyo Xukuumadu ay wada taageerayaan isku mawqifna ka yihiin Siyaasada Qaranka,”ayuu yidhi Wasiirka arrimaha debeda Somaliland .
Dr. Maxamed Cabdilaahi waxa uu sidoo kale sheegay in guddida ay kala hadleen arrimaha mandaqada, isagoo yidhi,“Waxa kale oo aanu ka wada hadalnay arrimaha Mandaqada Geeska Afrika ee aynu jaarka nahay ayaan Golaha warbixin ka siiyay iyo qorshaha Somaliland ee ku wajahan arrimaha ka socda Mandaqada oo aanu ka doonaynay tallooyin iyo in aragti laga bixiyo.”
.
Dr. Maxamed C/llaahi Cumar waxa uu sheegay in beesha caalamku ku baaqday in Somaliland iyo Somalia uu wada hadal dhex maro, isla markaana uu ka dalbaday Golaha Guurtida inay tallo ku soo darsadaan sida ay Xukuumaddu u waajahayso wada hadalka labada dal.
wuxuuna isagoo ka hadlaya waxyaabaha ka soo baxay kulankaa uu la yeeshay Gudi hoosaadka Arrimaha Debadda ee Golaha Guurtida sheegay inay isla qaateen Wada shaqayn iyo Mawqif Midaysan in lagu wada hawl galo,isagoo xusay inay sidoo kale ka wada hadleen arrimaha Geeska Afrika, isla markaana uu warbixin ka siiyay qorshayaasha siyaasadeed ee Xukuumada Somaliland kula dhaqmayso wadamada Mandaqda, wuxuuna soo dhaweeyay in Mudanayaasha Golaha Guurtidu ay tallo iyo tusaale wax tar leh u soo jeediyeen.
Wasiirka Wasaaradda Arrimaha Debadda Somaliland Dr. Maxamed C/llaahi ayaa Geba-gebadii Xubnaha guddi hoosaadka Siyaasadda arrimaha debadda ee Golaha Guurtida Somaliland su’aalo ka weydiiyeen arrimaha wadahadalada Somaliland iyo Somalia, wuxuuna wasiirku cadeeyey in waxa laga wada hadlayaa aanay ahayn madaxbanaanida somaliland, balse wadahadaladu ku qotomaan xidhiidhka mustaqbal ee labada dal iyo deris wannaaga labada shacab.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com