-
Published On: Tue, Oct 5th, 2010

Wasaaradda Warfaafinta Somaliland Si Ku Meelgaadh Ah Xayiraad Ugu Soo Rogtay Telefishanka Universal Ee Laga Leeyahay Somalia

Smiley face
Share This
Tags

Hargeysa(ANN)  Wasaaradda Warfaafinta Somaliland  ayaa hakisay hawlihii baahinta Telefishnka UNIVERSAL ee dhinaca Somaliland. sidaana waxa lagu sheegay qoraal kasoo baxay  caweyskii caawa xafiiska Wasiirka Wasaaradda Warfaafinta iyo wacyigelinta

Somaliland  Cabdilaahi Cismaan  Jaamac (Geel-jire).
 Xayiraada Wasiirka Warfaafintu Telefiishanka Universal kaga joojiyay shaqadii baahinta wararka dhinaca Somaliland iyo gebi ahaanba shaqadii wuxuu   ku sababeeyey. kadib markii sida uu ku eedeeyay ay ixtiraami waayeen shuruucda caalamiga ah ee saxaafada iyo shuruucda Somaliland, isla markaana si dhexdhexaadnimo ah u gudan waayeen hawshoodii warbaahineed. sidoo kalena ay ka dhega adaygeen inay qabtaan telefoonada wasaaradda warfaafinta Somaliland.
 “Waxaan idin la socodsiinayaa inay wasaaradda warfaafintu si ku meel-gaadha, u joojisay dhamaan wixii la xidhiidhay hawlaha warbaahineed ee aad ka sameyn jirteen Jamhuuriyada Somaliland. Kadib markii aad si dhex dhexaadnimo ah u gudan waydeen waajibaadkiini warbaahineed.”ayuu  ku yidhi Wasiirku qoraalkiisa.

wasiirku wuxuu ku eedeeyay  shaqaalaha UNIVERSAL inay ka maarmeen wada shaqaynta ka dhaxaysay, isagoo qoraalka  ku yidhi, “Markii aad ka maaranteen  xidhiidhka wada shaqeynayd ee inaga dhaxeeya. Markii aad si cadaana masuuliyiinta wasaarada (Warfaafinta)  uga qaban weydeen Tilifoonka. Markii aad ka gaabiseen inaad ku dhaqantaan xeerka saxaafada caalamiga ah iyo kan Somaliland-ba, caadana ka dhigateen inaad dhinac kaliya wax u baahisaan.
Waxaanu go’aansanay inaanu si kumeel-gaadha la idiinka joojiyo hawlihii warbaahineed ee aad ka wadeen dhamaan jamhuuriyada Somaliland laga bilaabo taariikhda maanta 5 October 2010.Hay’adaha Sharciga iyo Wasaarada arrimaha gudaha Somaliland waxaan ka codsanayaa in go’aankaasi fulintiisa iyo dabagalkiisa aad ku sameysaan” ayaa lagu yidhi qoraalka kasoo baxay xafiiska wasiirka wasaaradda warfaafinta Somaliland.

By,  Carraale  M. Jama  Freelance Journalist and Human Rights Activist 
Araweelonews Somaliland Office  
E-mail; Info@araweelonews.com
 jaamac132@gmail.com

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>