-
Published On: Sat, Dec 22nd, 2012

Wadada Sheekh Oo Dib Loo Furay Iyo Wasiirka Arrimaha Gudaha Oo Gaadhay Berbera

Smiley face
Share This
Tags

Berbera(ANN)Wasiirka Arrimaha gudaha Maxamed Nuur Carraale Duur, ayaa galabta u baxay magaalada xeebta ah ee Berbera oo maanta mudaharaadyo rabshada wataa ka dhaceen, kuwaas oo lagaga soo horjeeday xilka qaadis xukuumaddu xalay ku samaysay badhasaabkii hore ee

Saaxil Maxmuud Ramaax, isla markaana ku magcawday Badhasaab cusub.

Wasiirka Arrimaha Gudaha ayaa la filayaa inuu kulamo la yeesho Odayaasha iyo waxgaradka Saaxil, kuwaas oo uu kala hadlayo sidii loo dejin lahaa xaalada.

Dhinaca kale wadada isku xidha magaalooyinka Berbera iyo Burcoo ay saaka xidheen koox malayshiyo ah, ayaa dib loo furay maanta gelinkii danbe, taas oo la xidhiidhay xilka qaadista Badhasaabka Berbera, balse sida ay shebekada wararka ee Araweelonews u sheegeen qaar ka mid ah dadka deegaanku wadada ayaa dib loo furay kadob markii ay qadar dhawr saacadood ah hakad galeen isu socodka gaadiidka iyo dadku, iyadoo ay arrintaa ka hawlgaleen Badhasaabka xilka laga qaaday Mr. Ramaax iyo Maayarka cusub ee Berbera, kuwaas dedaal ka galay sidii loo dejin lahaa xaalada ee wadada loo furi lahaa.

Dhinaca kale Xaalada magaaladda Berbera ayaa degan  gelinkii danbe, balse dadka mudaharaadyada rabshadaha wataka waday saaka halkaa ayaa galaalafay meherado ganacsi oo kala duwan oo la boobay iyo dhismayaal la shiiday oo la jejebiyay.

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>