Berbera(ANN) Taliye xigeenkii Turubartaariyada Berbera ee ciidanka Dekeda Raagge Jaamac Maxamed iyo Afar askari oo kale ayaa dhaawacyo kala
duwani soo gaadheen maanta. Kadib markii koox doonaysay inay gurtaan Iskitraab ay iska hortaageen. Taliyaha Qaybta Ciidanka Booliska Saaxil C/raxmaan Ducaale (Cabdi Dheere ) ayaa u xaqiijiyay shebekada wararka ee Araweelonews in sarkaalkaa iyo Afar askari oo kale dhaawacyo kala duwani soo gaadheen. Kadib markii kooxdaa oo ka kooban saddex Nin oo doonayay inay guri ku yaala duleedka madaxtooyada Berbera ka rartaan Iskaraab, taas oo sababtay inay ciidanka is af dhaafaan kadibna Bambo gamceed ku teereen ciidanka.
Taliyaha Qaybta Booliska Berbera ayaa sheegay inay sadexdaa Nin xabsiga u taxaabeen ciidanku oo ay hada xidhan yihiin, iyadoo dhinaca kalena taliye xigeenka ciidanka Turubataariyada Raagge Jaamac Maxamed oo dhaawac halis ahi soo gaadhay la qorshaynayo in loo qaado dhinaca magaalada Hargeysa.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com