Somaliland, saaka xabsiga u taxaabeen qaar ka mid ah masuuliyiinta ururada hadhay ee hore u iclaamiyay mudaharaadka inay ka samaynayaan gobolada dalka 1 May oo ah maalin fasax ah.
Gudoomiyaha Ururka Jamhuuriga Axmed Sandoon Xasan iyo Marwo Foosiya Yuusuf Xaaji Aadan oo ah gudoomiyaha NDB iyo saraakiil kale oo ka tirsan ururadaa, ayaa Booliska Magaalada Hargeysa saaka xabsiga dhigeen . Ka dib markii ay isku dayeen inay magaalada Hargeysa ka sameeyaan mudaharaad salmi ah oo ay kaga cabanayaan go,aankii gudida Diwaan gelinta ururada siyaasadu soo saareen dhowaan. Balse saacado kooban ka dib ayaa lasii daayay masuuliyiintaa.
Dhinaca kale magaalada Burco ayay xukuumadu ciidaamo boolis ah oo dheeraad ah geysay xalay, taas oo meesha ka saartay inay meel maraan dhawaaqyadii iyo hanjabaadihii Ururada hadhay oo shalay qaarkood sheegeen inay awood adeegsan doonaan. Haddii la hor istaago mudaharaadkooda.
Laakiin Booliska Magaalada Berbera iyo masuuliyiinta Gobolka ayaa ku guuldaraystay inay baajiyaan isu soo bax uu Gudoomiyaha UDHIS Ibraahin Dhegaweyne Xafiiskiisa ka sameeyay saaka, isagoo la hadlay taageerayaashiisa. Mana jiro wax khasaare ah oo ka dhashay.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com