Hargeysa(ANN) Qarax dhaawac badan geystay ayaa goor dhowayd ka dhacay Xaafada Guryasamo ee Magaalada Hargeysa. kadib markii uu Nin qarax ka sameeyay halkaa. Sidaana waxa shabakada wararka ee Araweelonews u xaqiijiyay qaar ka mid ah dadka xaafada oo goota joogay. Ninkaa
ayaa sida ay dadka goota joogay noo sheegeen tuuray banbo gamceed. Kadibna cararay. Qaraxaa ayaa sababay dhaawac ilaa 11 qof kuwaas oo dhaawacyo fududi soo gaadheen, marka laga reebo Nin magaciisu yahay Cali Cayngal oo dhaawac culusi soo gaadhay.
Ciidanka Bilayska ayaa goor danbe tegey, kuwaas oo ku guulaystay inay gacanta ku dhigaan Ninkaa. Hase yeeshee Ninka la qabtay ayay dadka xaafadu u sheegeen shebekada wararka ee Araweelonews inuu ahaa Nin dhinaca Maskaxda wax uga dhiman yihiin oo dhowaan laga soo daayay mid ka mid ah Cilaajyada lagu xanaaneeyo dadka. Sidoo kale waxa jira warar sheegaya inuu Ninkaa la qabtay shalay Aabihii dhaawac u geystay, balse waxay Ciidanku Bilaysku usoo qaadeen saldhiga Bilayska. Iyadoo dadkii dhaawaca ahaana loola cararay Cusbitaalka.
Wixii kasoo kodha kala soco shebekada araweelonews
By, Carraale M. Jama Freelance Journalist and Human Rights Activist
Araweelonews Somaliland Office
E-mail; Info@araweelonews.com
jaamac132@gmail.com
shalcaw2@hotmail.com
+252 2 442 5380