-
Published On: Fri, Mar 11th, 2011

Qalabka Kamaradaha La Socda Dhaqdhaqaaqa Oo Markii Ugu Horaysay Lagu Xidhay Madaarka Caalamiga Ah Ee Berbera

Smiley face
Share This
Tags

Berbera(ANN) Qalabka dhinaca amaanka loo adeegsado ee kamaraddaha la socda dhaqdhaqaaqa ayaa markii u horaysay taariikhda lagu xidhay Madaaraka caalamiga ah ee Magaalada Berbera.  Munaasibad maanta oo Jimce ah lagu qabtay madaarka Berbera oo xadhiga lagaga jaray munaasibad loo qabtay

 

qalabka lagu soo kordhiyay madaarka oo lagu qabtay dhismaha garoonka waxa ka hadlay Wasiirka Wasaarada Duulista Hawada iyo Gaadiidka cirka Somaliland. Maxamuud Xaashi Cabdi,  oo sheegay  inay  madaarka ku xidheen qalab casri ah oo wax ka taraya nabadgelyada, kaas oo ah  kamarado la soconaya dhaqdhaqaaqa ah, isla markaana wax ka duubaya xarakaadka  ka socda gudaha iyo dibada madaarka.
Wuxuuna  xusay in madaarka Berbera ahmiyad weyn ugu fadhiyo dalka kana mid yahay madaarada ugu waaweyn qaarada Afrika. Sidaa awgeed ay lagama maarmaan tahay in dayactirkiisa iyo amaankiisaba waxbadan loo huro.
Wasiirku  wuxuu u mahad celiyay dawlada Britain  oo sida uu sheegay  ugu deeqday qalabkan. Isagoo xusay  in madaaradda Somaliland ay yihiin kuwo nabadgelyo ah oo beesha caalamku qirtay,  isla markaana ka duwan  yihiin madaarada Muqdisho, Boosaaso iyo Garoowe.
Sidoo kalena waxa uu xafladaa ka sheegay  in qalabkaa  oo kale lagu rikabayo madaarka Hargeysa. Si loo sugo amaanka madaarada dalka.
Munaasibada qalabka casriga ah ee dhinaca amaanka lagu xidhay madaarka waxa kaloo ka qaybgalay masuuliyiinta gobolka iyo magaalada berbera.
qalabkaas  oo kale ayaa  hore  loogu xidhay Dekedda magaalada berbera, ka dib markii lagu rakibay kamarado meelo fog wax ka duubaya oo  wax weyn ka taraya arrimaha amaanka ee Dekedda.
Araweelonews Mobile
Somaliland Office
E-mail.info@araweelonews.com

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>