Birco(ANN) Natiijada Hordhaca ah ee Doorashada Golaha Deegaanka Burco oo la filayay in lagu dhawaaqo caawa ayaa dib loo dhigay kadib markii la dhameeyay tirinta codadka doorashada oo dhacday 28 Nov, 2012
Lama garanayo sababta dib loogu dhigay berito, balse waxa Natiijada Hordhaca ah ee Degmada Burco u qorshaysnayd inay ku dhawaaqaan komishanku iyo saamiga urrurada iyo xisbiyadu ka heleen kuraasta degmada Burco ee xarunta gobolka Togdheer oo ah A ay ahayd sidan:-
1. Kulmiye oo galay kaalinta koowaad ayaa helay 7 Kursi
2. Wadani oo galay kaalinta labaad ayaa helay 5 Kursi
3. Rays oo galay kaalinta sadexaad ayaa helay 4 Kursi
4. Ummadda oo galay kaalinta Afraad ayaa helay 3 Kursi
5. Xaqsoor oo galay kaalinta shanaad ayaa helay 1 Kursi
6. Ucid oo galay isna kaalinta shanaad ayaa helay 1 Kursi
7. Dalsan waxba kama uu helin Burco.