Hargeysa(ANN) Saaka subaxnimadii hore ayay wadooyinka magaalada ku waaberiisteen ciidamada amaanka oo baadhitaano ku samaynaya gaadiidka kala duwan. Kadib markii ay soo baxeen abaabulo mudahaardyo loo balansanaa oo lagaga soo horejeedo go,aanka golaha wakiiladu ku laaleen
diiwaangelintii codbixinta ee doorashadii u danbaysay, isla markaana soo saareen inaan wax diiwaan gelin ah lagu gelin doorashooyinka soo socda ee golayaasha deegaanka.
Inkasta oo ay ciidamada amaanku isku dayeen inaanu dhicin mudaharaad, hadana kooxo dhalinayaro ah oo sita boodhadh ay ku qoran yihiin halku dhegyo lagu diidan yahay go’aankaa ayaa saaka iyagu ku waaberiistay xarunta dhismaha Baarlamaanka Somaliland, waxaana loo dalbaday dhalinayaradaa ciidanka Booliska ee SPU, kuwaas oo boodhadhkii ka ururiyay, isla markaana kala dareeriyay.
Hase yeeshee ma jirin wax dhibaato ah oo ka dhashay mudaharaadkaa, balse kooxaha dhalinayarada ah ayaa sheegay inay sii wadayaan mudaharaadka oo aanay joojinayn ilaa inta golaha wakiilada go’aankoodu meesha ka baxayo. Sidoo kale waxay dalbadeen in gebi ahaanba la kala diro golaha wakiilada oo ay ku eedeeyeen inay yihiin kuwo khiyaamo qaran iyo khalkhal go’aamadoodu ku salaysan yihiin.
Wixii kasoo kordha kala soco Araweelonews.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com