Berbera(ANN)Markab Weyn oo lagu Magcaabo Liibaan, ayaa dab ku qabsaday goor dhowayd Dekedda Magaaladda Berbera oo uu xidhnaa. Sida uu shebekada
wararka ee Araweelonews u sheegay Maareeye Xigeenka Dekedda Omar Abokor, waxa lagu guulaystay in la baqtiiyo dabka ka kacay markabka saacado kadib.
Maareeye xigeenka, ayaa ku sheegay sababta dabka dhalisay mishiinka Markabka oo dab ka kacay, kaas oo qabsaday Caws saarnaa Markabka oo ku xidhnaa Dekeda laga raro xoolaha, iyadoo Markabkaa oo ah Markabka labaad ee ugu weyn gaadiidka yimaada dekeda loo qorsheeyay in caawa la saaro shixnad xoolo ah.
“waanu ku Guulaysanay oo Illaahay ayaa nagu asturay inaanu baqtiino dabkaa, ayuu yidhi Maaareeye xigeenka Dekeda Berbera Omar Abokor, balse ma sheegin khasaaraha dabkaa ka dhashay inta uu leegyahay.
Markabkaa ayaa wararka qaar sheegayaan inuu ka mid yahay maraakiibta xoollaha u qaada Ganacsadaha Carbeed ee Al-jaabiri.
Dhinaca kala Markabkab lagu magcaabo Sea Star oo Xoolo siday, ayaa doraad ku xumaaday badweynta u dhaxaysa Mukha iyo Berbera ee duleedka baabal mandab, kaas oo galabta kusoo xidhay Dekedda Berbera, isagoo nabadqaba. kadib markii uu soo badbaadiyay markab leeyahay ganacsadaha carbeed ee Saleebaan Al-jaabiri oo la yidhaahdo Barko 5, kaasoo kula kulmay Markabkaa oo laba cisho sabaynayay badweynta.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com