Hargeysa(ANN)Madaxweynaha Somaliland Axmed Maxamed Maxamuud (Siilaanyo) ayaa maanta booqasho lama filaana ku tegey cusbitaalka guud ee caasimada Hargeysa waxaanu booqashadiisa ku indho indheeyay waadhadhka uu ka kooban yahay cisbitaalka guud iyo dadka
bukaanka ah ee jiifa.Madaxweynuhu wuxuu bukaanada waadhadhk jiifa ka dhegeystay warbixino kooban oo la xidhiidha waxyaabaha ay ka cabanayaan iyo sida ay u helaan adeegyo caafimaad, wuxuuna Illaahay uga barayay bukaanka cusbitaalka lagu daweeyo inuu shaafiyo oo caafimaad deg deg ah siiyo isagoo yidhi, “Waxaana inoo dhiman hawlo faro badan oo loo baahan yahay in qabto kuwaas oo maamulka cusbitraalku muujiyeen baahida loo qabo, haddii Alle yidhaa dedaal weyn ayaynu galaynaa in alaale iyo intii suurowda waanu la qabanaynaa, dadka bukaan jiifka ahna Illaahay waxaanu uga baryeynaa inuu caafimaad siiyo.”
Madaxweyne Siilaanyo oo ka hadlayay aragtidiisa waxyaabihii uga soo baxay booqashada cusbitaalka guud ee magaalada Hargeysa, waxa uu yidhi, “Waxa ii muuqatay in dedaal aad u badan la sameeyay oo wax la qaban karayey loo qabtay dadka bukaan jiifka ah ee cusbitaalka yaala, wax badan oo cusbitalka lagu kordhiyeyna waan arkay,”ayuu yidhi Madaxweynaha Somaliland.
Dhinaca kale Wasiirka Wasaaradda Caafimaadka Somaliland Dr. Xuseen Muxumed Maxamed (Xuseen Xoog) oo ku weheliyay kormeerkaa Madaxweynaha ayaa Madaxweyne Axmed Siilaanyo uga mahad celiyay socdaalka uu ku tegey Cusbitaalka guud ee Hargeysa, wuxuuna tilmaamay inay Madaxweynaha ka codsadeen in laba askari oo tirsanaa ciidamada qaranka oo midna dhaawac soo gaadhay uu ku indho beelay, ka kalena loo iibiyo gaadhi uu ku socdo.
Wasiirku waxa kale oo uu tilmaamay inay Madaxweynaha ka dalbadeen in laga kafaalo qaado kharashka ku baxa biyaha cusbitaalka guud isticmaalo, isla markaana ay wixii baahi ah ee jira warbixin ku siiyeen.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com
What’s your Reaction?
+1
+1
+1
+1
+1
+1
+1