London(ANN)Madaxweynaha Jamhuuriyadda Somaliland Axmed Maxamed Maxamuud (Siilaanyo) oo socdaal shaqo iyo fasax ku jooga dalka Britain, ayaa kulan la yeeshay Wasiirka u qaabilsan Britain arrimaha Afrika Henry Bellingham. Kulankaa oo shalay ka dhacay London, isla markaana socday muddo
Madaxweynaha Somaliland Axmed Maxamed Maxamuud (Siilaanyo) ayaa kulankaa ka dib saxaafadda uga waramay waxyaabaha ay ka wada hadleen wasiirka Ingiriiska u qaabilsan arrimaha Afrika Henry Bellinggham, wuxuuna ujeedada kulankaa ku sheegay inuu ahaa mid iyaga dhinacooda ka yimid maadama booqashadooda ay hadda London ku joogaan ay tahay mid aan rasmi ahayn, waxaanu tilmaamay inay Wasiirka ka wada hadleen sidii loo xoojin lahaa iskaashiga labada dal.
Madaxweyne Siilaanyo wuxuu intaa ku daray inay Wasiirka Ingiriiska u qaabilsan Afrika ay warbixin balaadhan ka siiyeen xaalada guud ee dalka iyo sida Somaliland ugu heelan tahay iskaashiga ay la leedahay Britain.
Dhinaca kale Henry Bellingham oo kulankaa kadib laftiisu qaar saxaafadda ka mid ah hadal kooban ka siiyay ujeedada kulankaa oo wax lagaga waydiiyey ayaa sheegay inay ka wada hadleen arrimaha mandaqadda geeska afrika, arrimaha ammaanka, Deeqaha Britain siiso Somaliland iyo weliba sidii Somaliland iyo dawladda wadaaga ah ee Britain ay iskaga kaashan lahaayeen dhinacyada ammaanka mandaqadda Geeska Afrika.
Kulankan ayaa kusoo beegmay. Kadib markii dawladda Britain iclaamisay shir caalami ah oo ay ku qabanay dalkeeda sannadka fooda inagu soo haya ee 2012 oo sida uu sheegay raysawasaaraha Britain lagaga hadlayo mushkilada Somalia iyo qalalaasaha siyaasadeed ee ka taagan Somalia oo uu sheegay inuu khatar weyn ku yahay dahooda iyo nabadgelyada guud ee mandaqada geeska Afrika.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com