Laascaanood(ANN) Taliye ku-xigeenka Ciidanka Sirdoonka Somaliland ee Gobolka Sool Carab Qawdhan ayaa caawa fiidkii gurigiisa oo ku yaala magaaladda Laascanood lala beegsaday qarax weyn oo gilgilay gurigaa, waxaana ku nafwaayay
Abtigii oo ku suganaa guriga.
Taliye xigeenka ayaa isaguna ku sugnaa giriga marka qaraxu dhacay sida ay shebekadda Araweelonews u sheegeen saraakiil ku sugan Laascaaood, balse Mr. Carab ayaa ka badbaaday Qaraxaa, isagoo ku sugnaa qol ka mid ah guriga.
Saraakiisha Ciidanka ayaa ka gaabsaday inay faahfaahin ka bixiyaan qaraxaa oo khasaare geystay, ma jiraan warar madaxbanaan oo sheegaya in ilaa hada la ogyahay cidii ka danbaysay qaraxaa, balse waxay wararku sheegayaan in baadhitaan ay bilaabeen ciidanku.
Sarkaalka lala beegsaday guriisa qaraxa Mr. Carab, ayaa hore uga badbaaday qarax lala beegsaday isaga iyo taliyihii sirdoonka gobolka Sool oo ku nafwaayay waqtigaa horaantii 2010.
Magaalada Laascaanood ee xarunta gobolka Sool ayaa hoy u noqotay qaraxyada iyo dilalka qorshaysan eel ala beegsado masuuliyiinta xukuumadda Somaliland iyadoo ilaa 2009, ay ku nafwaayeen ku dhowaad sodon sarkaal oo hay’addaha kala duwan ee xukuumadda ah, kuwaas oo ay xukuumaddii hore iyo xukuumadda cusub ee hada talada haysaaba ku fashilmeen inay wax ka qabtaan.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com