-
Published On: Mon, Nov 12th, 2012

Haweenay Madax Ka Ah Wararka Idaacada BBC-da Iyo Ku Xigeenkeedii Oo Xilka Iska Wareejiyay Kadib Muran Ka Dhashay Fadeexado Ka Dhashay Barnaamij Laga Baahiyay BBC

Smiley face
Share This
Tags

London(ANN)Madaxa wararka ee Idaacada BBC, Haweenayda lagu magcaabo Helen Boaden iyo ku xigeenkeeda, Steve Mitchell, ayaa iska  wareejiyay xilkii ay ka hayeen Idaacada inta ay ka dhammaaneyso baadhitaanka barnaamij BBC hore looga sii daayay oo la joojiyay, kaas  oo

 

ku saabsanaa eedeymaha xadgudubka carruurta ee lala xidhiidhiyay siyaasiga Mr. Jimmy Savile.
Muran iyo khilaaf ayaa ka dhashay saamaynta uu adeegyada barnaamijyada iyo wararka ee Idaacada ka baxa ku yeeshay fadeexadaha ka dhashay barnaamijkaa oo sababay inuu iska  casilo xilkii Agaasimaha  Guud ee BBC, George Entwistle sabtidii todobaadkan. kadib markii warbixin uu sii daayay telefishinka BBC oo gudaha la hadlaa baahiyay fadeexado lagu eedeyay inuu xadgudub ku sameeyay carruur yar yar siyaasiga Mr. Jimmy Savile

Haseyeeshee  Ku simaha Agaasimaha Guud ee BBC, Tim Davie ayaa sheegay inuu wax ka qaban doono dhibaatooyinka horyaal BBC. oo si weyn u dhaawaci kara sumcada Idaacada BBC iyo barnaamijyada ka baxa ee maqal iyo muuqaalka ah.

Tim Davie waxa uu sheegay in uu sameyn doono khad cad oo ku saabsan cidda masuulka ka ah wararka. sidoo kale  Email uu shaqaalaha u kala diray wuxuu Ku simaha cusub ee Agaasimaha Guud ee BBC, Tim Davie ku sheegay  inuu wax ka qaban doono waxa uu ku tilmaamay kala caddeyn la’aanta cidda masuulka ka ah tifaftirka iyo maamulidda wararka BBC iyo barnaamijyada.

Mr Entwistle waxaa uu xilka iska casilay kadib dhaleecayn kaga timi  sida uu u maamuley war ay sii deysey BBC-da, barnaamijkeeda caanka ah ee  Newsnight oo laga baahiyo telefishanada maxalliga ee BBC, kaas oo si khaldan ugu eedeeyey siyaasi hore oo British ah inuu ku lug lahaa tacadiyo carruur loo geystey kadib markii sida lagu sheegay barnaamijkaa  tacadiyo galmo ah lagu sameeyay, kuwaas oo lagu eedeeyay inuu geystey Jimmy Saville oo ahaa weriye caan ah oo BBC ka tirsanaa muda dheer.

 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>