-
Published On: Thu, Apr 25th, 2013

Gudoomiyaha Hubaal Oo Dhaawac Kasoo Gaadhay Weerar Caawa Lagu Qaaday Xarunta Wargeyska Ee Hargeysa

Smiley face
Share This
Tags

Hargeysa(Araweelo News Network) Gudoomiyihii Wargeyska Madaxabanaan ee Hubaal oo kasoo baxa Hargeysa Maxamed Jaamac Caloolay ayaa

dhaawac loo geystay. Kadib markii laba Nin oo aan la aqoonsan gudaha u galeen xarunta dhismaha wargeyska oo ku taal duleedka Togdheer ee afaafka Laagta Xaafada Goljano.

Dad ku dhowaa xarunta wargeyska ee weerarka lagu qaaday ayaa u sheegay shebekadda wararka ee Araweelo News in ay maqleen sanqadha xabad ka dhacday gudaha wargeysa oo ay ku sugnaayeen hawlwadeenada qaarkood, waxaana markaa ka dib la ogaaday in lasoo hujuumay xarunta wargeyska oo ay soo galeen laba Nin oo wejiga soo duubtay, isla markaana sita Baastoolado iyo Bakoorado, kuwaas oo dhaawac dagaal gacanta ah u qaaday Gudoomiyaha Hubaal Maxamed Jaamac iyo hawlwadeenadii ku sugnaa goobta.

Waxaa dhaawacyo kala duwan  soo gaadheen Maxamed Jaamac Calooley iyo mid ka mid ah hawlwadeenada goobta joogay, iyadoo la qabtay labadii Nin ee weerarka soo qaaday mid ahaan, balse kii kale baxsaday.

Sarkaal ka tirsan  Booliska ayaa u sheegay Araweelo  News in la qabtay hal Nin oo ka mid ahaa labada Nin ee weerarka ku qaaday Xarunta Wargeyska Hubaal.

Dhacdada noocan ah oo ku cusub xarumaha warbaahinta madaxabanaan iyo suxufiyiinta Somaliland, ayaa abuurtay dareen hor leh, iyadoo suxufiyiinta warbaahinta Madaxabanaan ee Somaliland six or ah hawshooda u gudanayeen tan iyo markii ay Somaliland dib uga bilaabantay saxaafada xorta ah 1991, marka laga yimaado cadaadisyo iyo isku dayo cabudhin iyo cagajuglayn marar badan xabsiga loogu taxaabay Suxufiyiin badan xukuumadihii soo maray Somaliland.

Talaabada noocan ah ayaa u muuqata mid la doonayo in lagu cabsi geliyo dhiiranaanta qalinka iyo xaqa xoriyada saxaafada madaxabanaan oo sumcad iyo guulo waaweyn u horseeday Somaliland, balse dhacdooyinka noocan ah ayaa u muuqda kuwo horseed u ah waxa ka dhacaya Soamalia oo in ka badan sodon suxufi lagu dilay sanadii u danbeeyay.

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>