Burco(ANN)Xubnaha Golaha deegaanka Burco ee kusoo baxay doorashadii golaha deegaanka ee dalka ka dhacday 28 Nov, 2012, ayaa maanta yeeshay fadhigoodii u horeeyay, kaas oo lagu doortay Maayarka cusub ee magaalada Burco oo loo doortay
Sidoo kale waxay Golaha deegaanka Burco u doorteen Guddoomiye Ku xigeen, isla markaana ah Maayar ku xigeenka Burco Muxumed Axmed Xasan (Xoday), iyadoo aan cidna kula tartamin labadaa xubnood ee Maayarka iyo Maayar xigeenka cusub eemagaalada Burco. 
Fadhiga lagu doortay Maayarka iyo ku xigeenka Burco ee Golaha deegaanka, waxa ka hadlay Guddoomiyaha Gobolka Togdheer Cadboo Axmed Aayar, wuxuuna hanbalyeeyay labada masuul ee la doortay, isagoo illaahay uga baryay inuu xilkaa ku asturo, isla markaana ay noqdaan kuwo ka shaqeeya horumarka magaalada Burco.
Golaha deegaanka Burco ayaa noqonaya kii u horeeyay ee doortay Maayar iyo Maayar ku xigeen, sidoo kale xubnaha golaha deegaanka Burco ayaa noqonaya golihii ugu horeeyay ee kusoo baxay doorashada golaha deegaanka ee dalka ka dhacday dhowaan ee Maxkamaddu ugu hor dhaarisay, isla markaana noqday kuwii ugu horeeyay ee doortay hogaan cusub golayaasha deegaanka dalka ee ku guulaystay doorashadii dalka ka dhacday 28 Nov, 2012.Burco. kadib markii lagu dhawaaqay natiijadii doorashada.