-
Published On: Thu, Mar 28th, 2013

Dhimashada Askar Ka Tirsan Ciidanka Milateriga DJibouti Iyo Kuwo La La’yahay Kadib Roobab Ka Da’ay Dalkaa Oo Sababay Khasaare Balaadhan

Smiley face
Share This
Tags

Djibouti(ANN)Roobab Mahiigaan ah oo ka da’ay Dalka Djibouti ayaa sababay khasaare naf iyo maalba ah. Kadib Roobabkaa oo da’ayay xalay waaberigii iyo

Saaka barqadii.

 


Khasaaraha ugu weyn ee Roobabku sababeen waxa ka mid ah Gaadhi kuwa Ciidamada Milateriga ah  oo daad ku qaaday deegaanka Shabeelay oo u dhaxaysa Hol-hol iyo Djibouti, kaas oo ay ku dhinteen ilaa inta la ogyahay sideed ka mid ah Askarta, iyadoo Todoba kalena dhaawacyo soo gaadheen, isla markaana waxa la la’yahay tiro aan ilaa hada la ogayn oo ka mid ah askartii saarnayd gaadhiga daadku qaaday.


Sidoo kale Hal qof ayaa ku dhintay Dekedda Djibouti, iyadoo gebi ahaanba ay magaalada Caasimada iyo Gobolada kale ee Djibouti kala xidhmeen, isla markaana dhismayaal badan khasaare soo gaadhay. Kadib markii Biyaha daadku galeen.


Hase yeeshee sida uu ku waramay Weriye  Cali Cumar oo Raadiyaha iyo Telefeshinka Djibouti ka tirsan, waxa jira gurmad lagu raadinayo in la helo raq iyo Ruux askarta daadku qaaday, iyadoo dhinaca kalena ay socdaan gurmadyo lagu banaynayo wadooyinka oo biyaha lagaga saarayo Magaalada iyo wadooyinka.


Wariyaha ayaa sheegay inay socdaan dedaalo ay ciidamada Gurmadku ka wadaan magaalada, iyadoo Biyaha laga dhurayo wadooyinka si xaaladu caadi ugu soo noqoto, isla markaana ganacsigii iyo adeegyadii bulshada dib u bilaabmaan. 

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>