Muqdisho(ANN) Boqolaal muhaajiriinta dagaalyahanka xarakada Al-shabaab ee dagaalka kula jiray dawladda taagta daran ee Somali iyo ciidamada midawga afrika eek u sugan Muqdisho ayaa maalmihii lasoo dhaafay gurmad ugu baxay dalalka Yamen iyo Libya oo kacdoono iyo dagaalo ka
socdaan labadii bilood ee u danbeeyay. Sidaana waxa shebekada wararka ee Araweelonews u xaqiijiyay warar laga soo xigtay ila wareedyo mihiim ah oo xog ogaal u ah xaalada koonfurta Somalia iyo dagaalada ka socda halkaa.Ma jiraan warar rasmi ah oo kasoo baxay hogaanka Al-shabaab ee dagaalka kula jira dawladda taagta daran ee Somalia, balse tibaaxaha iyo xogaha la xidhiidha inay boqolaal muhaajiriinta ka dagaalamayay Somalia u talaabeen dalalka Yamen iyo Libya ayaa soo baxay. Kadib markii ay deegaamo baddan oo ay gacanta ku hayeen Al-shabaab iskood uga baxeen, iyadoo aanay jirin dagaalo loogu awood sheegtay oo lagaga saaray deegaamadaa.
Wararka qaar ayaa sheegaya inay Kooxaha muhaajiriinta oo tiradooda lagu qiyaasay sideed boqol qaarkood ka talaabeen xuduuda dhinaca koonfureed ee Ethiopia, kuwaas oo doonaya inay ka qayb qaataan dagaalka la doonayo in xukunka lagaga tuuro hogaamiyaha Libya Mucmar Al Qadaafi, iyagoo doonaya inay la saftaan malayshiyada kacdoonka ka bilaabay Banqaazi, kuwaas oo maamulka Qadaafi hore u sheegay inay xubnaha hogaamiya ka mid yihiin nin lagu magcaabo Abdulxakiim Alxasaadi oo ay ku sheegeen inuu yahay hoggaamiye caan ah oo ka tirsan ururka Alqaacida kas oo ku suganaaa markii ay kacdoonadu ka bilaabmeen dalkaa magaalada Banqaazi.
Boqolaal kale oo tibaaxaha laga helay dagaalyahanka Al-shabaab ee u haajiray dalalka Yamen iyo Libya si ay uga dagaalamaan halkaa ayaa sheegaya inay koox kale oo dhawr boqol gaadhay u talaabeen bilihii u danbeeyay dhinaca dalka Yamen oo lagu tilmaamo xudunta aasaaska u ahayd shebekada weyn ee Al-qaacida, kuwaas oo lala xidhiidhiyo kooxda ka dagaalanta Somalia ee Al-shabaab. Waxaana jira warar iyo tibaaxo laga helay dhinaca dalka Yamen oo sheegaya inay kooxaha hoos yimaada urur weynaha Al-qaacida qorshaynayaan in marka xukunka laga tuuro hogaamiyaha dalka Yamen ay fursad weyn u noqonayso inay gacanta ku dhigaan marinka istiraatiijiga ah ee gacanka cadmeed, halkaas oo ay doonayaan inay hawlgalo ka dhan ah reer galbeedka si fudud uga fulin karaan.
Hogaamiyayaasha dalalka Yamen iyo Libya ayaa dhawr goor ku cel celiyay inay dadka kacdoonada la doonayo in xukunka lagaga tuuro hogaaminayaa yihiin kooxo xidhiidh la leh shebekada weyn ee Al-qaacida, isla markaana warbaahinta reer galbeedka ayaa iyaguna dhawr goor iftiimiyay suurta galnimada inay kooxaha xidhiidhka la leh Al-qaacida aanay ka madhnayn kacdoonada iyo dagaalada ka socda halkaa, iyagoo si weyn u rumaysan inuu dalka Yamen yahay meel ay gabood iyo xarumo qarsoon ku leeyihiin.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com
What’s your Reaction?
+1
+1
+1
+1
+1
+1
+1