Djibouti(ANN) Alla haw naxariistee X oghayihii Xisbiga muxaafidka ah ee Kulmiye Marxuum Keyse Xasana Cigge ayaa ku geeriyooday dalka Djibouti . markii Cusbutaal loola cararay, isagoo xaaladiisa caafimaad liidato maalmihii lasoo dhaafay, balse uu maanta ku geeriyooday halkaa. Sida ay shebekada wararka u xaqiijiyeen
qaar ka mid ah eheladiisa oo la socday xaaladiisa Caafimaad.
Marxuum Keyse Xasan Cigge oo safar kasoo laabtay dalka debediisa ah dhowaan, wuxuu u geeriyooday xanuun dhinaca Beerka ah oo uu lahaa iyo dhiigkar kusoo kordhay. Marxuum Keyse wuxuu aahaa aqoonyahan dhowaan kasoo laabtay qurbaha, wuxuu siyaasada kusoo biiray dhawr sannadoo ka hor markii loo magcaabay xilkaa Xoghayaha guud ee Xisbiga Kulmiye March 2008 shirweynhii Xisbiga Kulmiye oo xiligaa ahaa xisbiga ugu awooda baddan ee mucaaridka, balse ku guulaystay doorashadii 26 Jun, 2010 ka qabsoontay Somaliland.
Marxuumka ayaa la filayaa in maydkiisa loosoo qaado Somaliland oo lagu aaso Hargeysa maalinta berito alla haw naxariistee taariikh nololeedkii marxuumka waxaanu kasoo dib ayaanu kasoo gudbin doonaa.
Dhinaca kale Madaxweynaha JSL Mudane Axmed Maxamed Maxamuud (Siilaanyo) waxa uu tacsi u dirayaa Ehelkii, Qaraabadii, Asxaabtii, Xisbiga Kulmiye iyo Dhamaan Shacbiga Reer Somaliland, isagoo ka tacsiyadaynaya Geerida Naxdinta leh ee ku timi Xog-hayihii Xisbiga Kulmiye MARXUUM, Keyse Xasan Cigge oo ku geeriyooday Waddanka Jabuuti manta oo Taariikhdu tahay 17-07-2011.
Madaxweynuhu wuxuu ILLAAHAY uga baryayaa Marxuumka inuu naxariistii Janno ka waraabiyo, Qoyskii, Eheladii, Qaraabadii, Asxaabtii iyo Dhamaan Shacbiga Reer Somaliland ee uu ka baxayna Samir iyo Imaan ka siiyo.
IN-NAA LILLAAHI WA IN-NAA ILAYHI RAAJICUUN
Sidoo kale Shebekada Araweelonews waxay tacsi tiiraan leh u diraysaa qoyskii, qaraabadii, ehelkii iyo ummada Somaliland ee uu ka baxay marxuumku, waxayna Illaahay uga baryayaan inuu samir iyo iimaan ka siiyo, marxuumkana Illaahay jannadii fardawsa ka waraabiyo .
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com