26 xildhibaan ayaa saxeexay mooshinkaa oo ujeedadiisu tahay mid looga soo horjeedo in golaha cusub ee wasiirada lagu soo daro xubno ka tirsanaa xukuumadii hore ee weyday kalsoonida Baarlamanka, taas oo sababtay in kalsoonida lagala noqdo raysal wasaarihii hore ee xukuumadda Cabdi Saacid Shirdoon.
Qaar ka mid ah xildhibaanada soo gudbiyay mooshinkaa ayaa ku dooday in xukuumaddii hore ee Raysal wasaare Saacid oo lagu eedeeyey waxqabad la’aan sidaa awgeed ay tahay in golaha cusub ee wasiirada laga mamnuuco in lagu soo daro wasiiro ka mid ahaa.
Mooshinka markii la akhriyay ka dib ayaa waxaa xildhibanada ay bilaabeen inay ka doodaan, waxaana xildhibaanada illaa hadda hadlay intooda badan ay taageereen mowshinkaas, iyagoo sheegay masuuliyada waxqabad la’aanta lagu riday xukuumaddii hore in aanayRaysal Wasaare Saacid oo keliya ahayn. Sidaa awgeed aan loo baahnayn in lagu soo daro golaha wasiiradda rag ka tirsan xukuumaddii hore.
Dooda ayaa ka bilaabantay Baarlamaanka iyadoo uu jiro dib u dhac ku yimi dhismaha xukuumadda cusub, taas oo wararka qaar sheegayaan in muran ku saabsan u dhexeeyo Madaxweynaha iyo Raysal wasaaraha cusub.
info@araweelonews.com