-
Published On: Mon, May 10th, 2010

Mudanayaasha Golaha Wakiilada Oo Cod Aqlabiyad Ah Ku Ogolaaday Miisaaniyadii Indha Sarcaadka Ahayd Ee Xukuumadda Riyaale Usoo Gudbisay

Smiley face
Share This
Tags
Hargeysa-(ANN)-Mudanayaasha Golaha Wakiilada Somaliland, ayaa maanta ansixiyey miisaaniyadda qaranka 2010 oo uu hore uga dhashay murran cirka isku shareeray oo u dhexeeyey Wasiirka Maalliyadda iyo golaha, ka dib markii wasiirku dhegaha ka furaystay dallabyadii gudida dhaqaaluhu kaga dalbadeen inuu soo gdubiyo, balse muddo ka dib uu soo gudbiyey.
Guddoomiyaha Wakiillada Cabdiaxmaan Maxamed Cabdillaahi oo guddoominayay fadhiga, ayaa mudanayaasha ka dalbaday in cod gacan-taaga loo qaado ansixinta miisaaniyadda, iyadoo 36 xildhibaan oo ka mid ahaa 53 mudane oo fadhiga ku sugnaa ay u gacan-taageen in la ansixiyo, halka 10 mudane diideen, 6 ka mid ahina diideen, sidaana ay ansax ku noqotay miisaaniyadda 2010 oo muddooyinkii u danbeeyey doodeedu socotey.
Mudanayaasha wakiillada ayaa  gebagebadii fadhigaa lagu wargeliyey in goluhu gelayo fasax sagaal  todobaad ah, iyadoo fasaxoodu ku soo beegmay xilli xasaasiya oo loo diyaar-garoobayo doorashada madaxtooyadda Somaliland ee komishanka qaranku u  qorsheeyeen inay dalka ka dhacdo bisha Juun ee fooda inagu soo haysa.

By,  Carraale  M. Jama

Hargeysa Office Araweelonews

E-mail; Info@araweelonews.com

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>