Hargeysa(Araweelo News Network) Shil baabuur oo galabta ka dhacay deegaanka Maqaaxida Inanta ee duleedka Galbeedka Hargeysa ku geeriyooday Maxamud Aw Siciid oo ay walaalo yihiin
ganacsadaha caanka ah ee Maxamed Aw Siciid.
Eng. Yuusuf oo ka mid ah saraakiisha sare ee Shirkadda Somcable ayaa u xaqiiyay shabekaddaha Arraweelo.com iyo Araweelo News in uu shilkaa ku geriyooday Alla ha u naxariistee Maxamuud Aw Siciid oo ay walaalo yihiin ganacsade Maxamed Aw Siciid oo ah ganacsade u dhashay Somaliland, isla markaana ganacsi weyn ku leh Somaliland, Djibouti iyo meelo kale oo mandaqada ah.
Maydka Marxuumka iyo tiro dad ah oo dhimashoi iyo dhaawacyo kasoo gaadheen shilkaa la geeyay Cusbitaalka Hargeysa, iyadoo aan si dhab ah ilaa hada loo ogayn tirada rasmiga ah ee dhaawaca iyo dhimashada shilkaa oo uu sababayay kadib markii sida wararka hordhaca ah sheegayaan laba gaadhi oo mid ay leedahay shirkadda Somcable iyo gaadhi Dyne ah isku dhaceen.
Wixii kasoo kordha kala soco shebekaddaha Arraweelo.com iyo Araweelonews.com