Hargeysa(Araweelo News Network) Guddoomiyaha Xisbiga Kulmiye Muuse Biixi Cabdi, ayaa sheegay in aanay arrimaha Somaliland ka hadli Karin Nin Muqdisho Ciidamo shisheeye, taas oo ula jeeday weedho Madaxwaynaha Somaliya
Xasan Sheekh Maxamuud kasoo yeedhay xuskii 18-ka May oo uu qaranimada Somaliland ku tilmaamay inay tahay caadifad.
Muj. Muuse Biixi oo si weyn loogu soo dhoweeyay dalka, isagoo ka soo laabtay safar dheer oo uu kusoo Dalka Maraykanka iyo meelo kale , waxa uu fariin hambalyo ah u diray dawladda Itoobiya oo raysal-wasaaraheedu uu taageero u muujiyey Somaliland iyo shacabkeeda.
Guddoomiyaha Kulmiye oo kasoo degay Madaarka Berbera ayaa diyaarad nooca yar yar usoo raacay dhinaca Madaarka diyaaradaha Cigaal ee Hargeysa, halkaas oo ay ku sugayeen si ay usoo dhoweeyaan kumanaan qof isagu jiray masuuliyiinta Kulmiye, xildhibaada labada gole iyo Taageerayaash xisbiga kulmiye.
Gudoomiye Muuse Biixi oo saxaafada hadal kooban ku siiyay qolka nasashada,ee madaarka Cigaal ee Magaalada Hargeysa ayaa u mahad-naqay Dadkii Soo Dhaweeyey ,Wuxuuna Sheegay In Soo Dhaweynta Loo Sameeyey ay muujineyso, isku duubnida dadweynaha reer Somaliland iyo xisbiga Kulmiye gudihiisaba.
Wax a kale oo uu Muuse Biixi sheegay in Qurba jooga Somaliland ee uu kula kulmay Maraykanka ay midaysnaayeen, isla-markaana ahaayeena dad u heelan inay ka qaybka qaadan doonaan horumarka dalkooda sidii ay horeba uga qayb qaadan jireen.