cabashooyin ka dhasheen natiijadii lagu dhawaaqay habeenkii Jimacaha ee 17 Nov 2012.
Eng Ciise Xamari waxa uu sheegay sababta keentay arrintaasi ay tahay tabashada Musharixiintii tartamaysay ka keeneen Codadkoodii natiijada Hargeysa iyo sidii loo bogsiin lahaa Rabshadaha Dhiigu ku daatay ee ay keentay arrintaasi. sidaa awgeed ay hakiyeen natiijada hore loogu dhawaaqay.
Gudoomiye Xamari waxa uu sidaa ka sheegay mar uu la hadlayay saxaafada maanta, wuxuuna mar la weydiiyay bal in ay tirinta lagu celinayo ee codbixintu noqonayso mid sanduuq-sanduuq loo tirinayo iyo in kale, waxa uu sheegay in hadba sida lagu heshiiyo laga yeelayo.
“Waanu ku kalsoonahay Natiijadii. laakiin si loo hubiyo loona qanciyo Musharixiinta waxaanu go’aansanay inaanu dib ugu noqono, sidaana waxaanu isla qaadanay Xisbiyada iyo Ururada oo dhan” ayuu yidhi Ciise Xamari oo la hadlay warbaahinta maanta.