Hargeysa(ANN)Qaar Ka mid ah qurbo jooga reer Somaliland ee weli ku sugan magaaladda Hargeysa, ayaa dareen cadho leh ka muujiyay duulimaadyadii shirkadda diyaaradaha ee Djibouti Air oo ay sheegeen inay joojisay. Waxayna Boqolaal Qurba Jooga ku gudoomay Somaliland Baanbax
Cabasho ah Maanta ka Hor Dhigeen qasriga madaxtooyadda Somaliland. Kadib markii ay suurta geli weyday sida ay sheegeen inay cabashadood kala hadlaan wasiirka duulista oo ay ku doodeen inay ka wayeen xafiiskiisa.
Dadkan ayaa Sheegay in ay aad uga Cabanayaan Shirkada Diyaaradaha ee Air Djibouti, taas oo joojisay Duulmaadyadii ay ku iman jirtey Somaliland, sidaa awgeed ay waayeen waxay raacaan, maadaama diyaaradaa oo ahayd tii ay markii Horre la Socdeen ee keentay dalkooda Hooyo hawadaka baxday.
Afar xubnood oo ka mid ah Dadka Cabanayay ayaa loo saaray Guddi si ay kulan Arrintan Xal loogu helo ula yeeshaan Madtooyada, waxana xubnahaasi kala hadleen cabashadooda Madaxweyne Ku xigeenka Soomaaliland, Wasiirka Wasaarada Duulista iyo Hawadda, Taliyaha Ciidamada Booliska, Waxanana u Sheegeen saxaafada Guddidii la hadashay Masuuliyiintani in uu Madaxweyne ku xigeenka somaliland Amar ku bixiyay In Shirkada Air Djibouti ay maalinta beri ah diyaarad khaas soo dirto oo dadkan ka daadguraysa Magaalada Hargeysa oo gaadhsiisa dalka Isutaga Imaaraadka Carabka , oo ah meesha Somaliland ku xidha Qaaradaha Yurub iyo America.
Dadka cabanaya ayaa tilmaamay inay dib uga dhaceen Duulimaadyadoodii, Waxayna sheegeen ina y khasaarayaan lacag aad ubadan, iyaga oo intaasi ku daray in aanay ahayn Cabashadoodii tii uhoreysay, balse ay Cabashooyin hore qaar iyaga ka mid ah ugu Tageen wasaarada Duulista iyo Hawadda Somaliland, balse ay xafiiska ka waayeen wasiirka marar baddan.
Qurba jooga ku sugan Dalka ee Soo raacay Diyaarada Air Djibouti ayaa tilmaamay inay si weyn uga Xun yihiin inay dib uga dhacaan, isla markaana ay ka habsaamaan Shaqooyinkii ay ka hayeen Wadamadii ay joogeen, Halka Caruurtuna ka Habsaantay iskooladii waxbarasho, waxay kaloo xuseen in Mid kasta La khasiri doono Lacag Ganaax ah, taasi oo ay Carab baabeen in ay khaasarayaan.
Si kastaba ha ahaatee Shirkada diyaaradaha Air Djibouti ayaa Sanadkan Gudihii laga mamnuucay inay soo fadhiisato dalka, waxaana joojisay wasaarada duulista oo sheegtay inay halis ku tahay amaanka rakaabka ay ay dalka keento. kadib markii qaar ka mid ah rakaabka soo raaca neeftu qabatay ee ay soo waajahday halis caafimaad.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com