Hargeysa(Araweelo News Network)Ciidamada Amaanka Somaliland ayaa saaka gacanta ku dhigay Nin looga shakiyay inuu ka mid yahay saraakiisha sare ee Al-shabaab.
Ninkan oo aan magiciisa si rasmi ah usoo shaacbixin, ayaa
saaka lagu qabtay saldhiga dhexe ee Magaalada Hargeysa, weriye goobta marayay oo ka tirsan shebekada Araweelo News Network, ayaa goobta maryay markii la qabtay sarkaalkaa, wuxuuna isagoo sharaxaya wixii uu arkay yidhi, “Mar keliya ayaan ku war helay Ciidamo agagaarka Saldhiga Dhexe ee Hargeysa oo aan xiligaa marayay , waxay wateen dhawr gaadhi, waxan maqlay qabta, kadibna Nin ku hadlaya Mobile smart Phone oo gashan Khamiis , kaas oo ahaa dadiisa qiyaastoo Nin dhawr iyo afartan jir ah ayuu ahaa, waxayna markiiba ku qaateen gaadhigi ka mid ah gaadiidkii ay wateen, waxayna u muuqdeen in ay daba socdeen oo lagu hagayay Satellite” ayuu yidhi.
Saraakiisha Amaanka Somaliland oo aanu isku daynay in aan wax ka weydiino Ninkaa la qabtay ayaanay noo suurta gelin.