Qorilugud(Araweelo News Network)Sadex Nin aya ku geeriyooday deegaanka Qorulugud ee duleedka Buuhoodle. Kadib markii shalay Nin ka mid ah dadka deegaanka Buuhoodle dilay Nin u dhashay
deegaanka Qoriligud.
Dhacdada dilkaa ayaa sababtay in laba Nin oo u dhashay deegaanka Buuhoodle loo dilo aano la xidhiidha dilkaa hore, taas oo ay sabab u ahayd sida ay sheegayaan wararku deegaanka Raydabka oo Roobab ku da’ay ay dadka deegaamadaasi isugu yimaadeen. Kadibna is maandhaaf dhexmaray dadka xoolo dhaqatada ah eek u kulmay halkaa.
Xiisad colaadeed ayaa ka abuurantay deegaanka Buuhoodle iyo qorilugud oo ay hore shaqaaqooyin soo noq noqday uga dhaceen, waxay dilalkani kusoo beegmeen xili uu deeganka Buuhoodle ku suganyahay wasiirka caafimaadka Somaliland Dr. Saleebaan Xaglatoosye oo mashaariic xukuumadda Somaliland doonayso in ay ka fuliso deegaanka oo dhawr iyo labaatan sanadood ka go’doonsanaa Somaliland uu ka fuliyo, kuwaas oo dadka deegaanku soo dhoweeyeen.