-
Published On: Mon, May 31st, 2010

Madaxweyne Rayaale Oo Golaha Wakiilada Dib Ugu Celiyay Xeerkii Habka Miisaaniyada Qaranka

Smiley face
Share This
Tags

Hargeysa(ANN)-Madaxweyne Daahir Rayaale Kaahin  ayaa golaha Wakiilada dib ugu soo celiyey Xeerkii miisaaniyadda Qaranka ee ay ansixiyeen horaantii bishan. Ka dib markii mudanayaashu ka yeesheen  dood, isla markaana gebagebadii doodaa Cod aqlabiyad ah ku ansixiyeen.

 

Sida  lagu sheegay Warsaxaafadeed kooban oo   ka soo baxay golaha wakiilada, waxa uu Madaxweyne Rayaale maanta dib ugu soo celiyay Xeerkii Miisaaniyada Qaranka. Qoraalka kasoo baxay Xarunta Golaha wakiilada   oo uu ku saxeexnaa ku simaha xoghayaha guud ee golaha Wakiilada Cabdirisaaq Siciid Ayaanle, isla markaana ah Xoghaye ku xigeenka golahaa, wuxuu isagoo dhamaystiran u qornaa sidan:-  

“Waxaa maanta oo Taariikhdu tahay 31/05/2010 uu Madaxweynaha JSL golaha Wakiilada ku soo celiyey  Xeerka Miisaaniyada qaranka oo uu goluhu u gudbiyey 11/05/2010.”

Dhinaca kalena, Madaxweynaha Somaliland Daahir Rayaale Kaahin waxa uu soo saaray maanta  digreeto uu ku dhaqan gelinayo wax ka bedelka iyo kaabista lagu sameeyey xeerka doorashooyinka ee  xeer Lambar No.20, kaas oo ay  todobaadyadii ina dhaafay golayaasha sharci dejintu ansixiyeen. Ka dib markii wax ka bedel iyo kaabis lagu sameeyay si aanu carqalad ugu noqon hawlaha doorashada. Waxaana meelaha wax ka bedelka iyo kaabista lagu sameeyay ka mid ah mudada Ololaha doorashada Madaxtooyada oo lagu soo koobay 21 maalmood.

 

By,  Carraale  M. Jama  Freelance Journalist and Human Rights Activist 

Araweelonews Hargeysa Office

E-mail; Info@araweelonews.com

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>