-
Published On: Tue, Aug 31st, 2010

Gudoomiyaha Xisbiga Mucaaridka UCID Oo Ka Hadlay Ogolaanshaha Madaxweyne Siilaanyo Ku Bixiyay Isgaadhsiinta Keybalka Badda Iyo Aragtidooda Doorashooyinka Soo Socda

Smiley face
Share This
Tags

Hargeysa(ANN)Guddoomiyaha Xisbiga mucaaridka ah ee UCID Eng. Faysal Cali Waraabe, ayaa ka hadlay aragtidiisa ku wajahan isgaadhsiinta Kaybalka badda Hoostiisa la marinayo ee dhawaan Madaxweynaha Somaliland u ogolaaday Shirkada SOM CABLE.

 
 
Eng. Faysal oo  maanta wax laga weydiiyay arrintaa waxa uu yidhi “Anagu wakhtigan maanta ee xukuumaddu cusub tahay waxaanu goosanay imika inaanu siino wakhti ay isku hagaajiyaan oo aanu eegno.laakiin mowqifkayaga ku saabsan kootada loo xidhay Kaybalkaasi waa tii aanu War-saxaafadeedka ka soo saarnay. Midna waan kuu shegayaaye’e marna ogolaan mayno in wadankayagu uu hoos yimaado wadan kale anagoo bad leh kana ogolaan mayno inay dawlado kale faraha nala soo galaan. Waxa hadda noo muuqata inay dawladi nagu dhex jirto.iyadoo la noo soo raacay dad baayac mushtar ah. Anagu waanu caddaynay arrintaasi kaybalka inaanaan wadan kale hoos galayn”
 
“Way caddahay in dawlado nagu dhex jiraan doorashadayadii ka qeyb galeen waana aanu sheegi doonaa wakhtiga dadku bislaado, Somaliland ma noqonayso wadan, wadan kale uu haggo,”ayuu yidhi Md. Faysal Cali Waraabe, oo saaka u waramayay Laanta Afsoomaaliga ah ee Idaacada VOA-da.
 
 
Guddoomiyuhu waxa uu ka waramay shirkii ay shalay la yeesheen Madaxweynaha Somaliland Madaxda xisbiyada, Shirgudoonka Goleyaasha Baarlamaanka iyo Komishanka doorashooyinka oo lagaga hadlayay sidii tallo qaran looga yeelan lahaa doorashooyinkii Goleyaasha deegaanka, Wakiilada iyo Guurtida oo isa soo wada gaadhay, waxaanu tilmaamay in aanay suurto gal ahayn in xiligan dalku mar kale galo doorasho, waxaanu xusay inay socoto dood la xidhiidha wixii arrintaasi laga yeeli lahaa.
 
Faysal Cali Waraabe wuxuu sheegay in dalka ay ku sii xoogaysatay arrinta beelaha waxaanu carabaabay in reeruhu ay bilaabeen inay wakhtigan beel beel u hadlaan, taas oo uu ku tilmaamay mid ka hor imanay dumuqraadiyadii la rabay inay korto.
By,  Carraale  M. Jama  Freelance Journalist and Human Rights Activist 
Araweelonews Somaliland Office  
E-mail; Info@araweelonews.com
 jaamac132@gmail.com
 shalcaw2@hotmail.com

+252 2 442 5380

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>