Warsaxaafadeedkii 3aad Ka dib markii aannu aragnay in guusha keli ah ee ilaa hadda laga gaadhey yoolka isbahaysiga uu noqday soo-xerogelinta Odayada
dadku u yaqaannaan “Labada Faaruq ee Finland”, halka aannu marka ay na horjoogaan ugu jeesjees yeedhno “Labada Faaruuq”.
Ka dib markii ay kulan degdeg ah isugu yimaaddeen gebi ahaanba katirsanayaasha Isbahaysiga
ku abtirsada Gabboodka Talo Qasan oo ay dhowaan ku so biireen koox ka tirsan Baarlamaanka
oo ku mitidaya in loo aqoonsado hormuudka ururrada qaylo-ku-maalka dalka, ayna ka soo
qaybgaleen Xisbigooda-Quudhsadayaasha Laba-Guddoomiye Cirro iyo Faysla Beel-Duraha
dhowaan ku wada biiray Madasha Wadatashiga iyo Toosinta Taban;
– Ka dib markii aannu hayn weyney dhamacda siyaasadeed ee cirka ku dubatey isbahaysiga
Gabboodka Talo Qasan, Madasha Wadatashiga iyo Toosinta Taban iyo labada Xisbi ee hadda ka
hor loo yiqiinney xisbiyada Mucaaradka ee heer Qaran;
– Ka dib markii aannu dheehannay in aan wax la qabto oo la sheegaaba ka hadhi doonin hayaanka
tooraha dheer ee xukuumaddan maanta jirta, taasina aanay dani ugu jirin Isbahaysiga;
– Ka dib markii ay noo caddaatay in aan taageerada dhaqaale ee laga helo Somaliland-diidku
muddo dheer sii socon doonin, isla markaana carruur iyo cirrooleba lagu ilbaxay doodaha
muranka-xoogeeya ee xubnahayaga firfircoon ee safka hore lagu tukhuntukhiyo ee ay ka midka
yihiin Keligii-Xariif, Keligii Mujaahid, Keligii Aqoonyahan, Keligii Qoraa, Keligii Siyaasi, Keligii
Guddoon, Keligii Dullaal, Keligii Xayraan, Keligii Dhoof, Keligii Miskiin, Keligii Qudhqudho, Keligi
Qaswade, Keligii Buubaal, Keligii Mooye iyo ragga kale ee la raaca ah;
Waxa Aannu hal-daba-la’ iyo Ha-is-raacdo ku Go’aaminey:
– In laga faa’iidaysto khuurada dheer ee ka soo yeedheysa Galaha ismacaashsiiyey ee kaadarkii u
codkarsanaa Kulmiye oo rag iyo dumarba leh, halkoodana loogu geedeeyo;
– In la dardar geliyo jahawareerinta maatida, aqoonyaraha, xoogsatada, ardayda, qolqoljoogta,
qurbajoogta, galayaasha facebook’ga, iyo inta la halmaasha si aan sac sac ugu raacin kooxdan
dibedda noo tuurtay qamaamuurtayadii duurjoog iyo degeljoogba lahayd;
– In gacanweyn la siiyo Laba-Guddoomiye Cirro oo , isaga oo Guddoomiye Xisbi Mucaarad ah,
haddana guddoomiya golaha awoodda badan ee Xukuumadda ee Wakiillada, kaas oo ah
cadawga kowaad ee Gabboodka iyo Isbahaysigiisa; iyada oo si balballaadhan loo muujinayo
suurtagalnimada iyo xikmadda ISKU_MUDAHARAADKA ee ku suurtagalay oo keli ah aragtida
fog ee Laba-Guddoomiye Cirro;
– In saxaafadda inteeda ah qalin-ku-dirirka inna taageerta ee aan waxa loogu yeedho
waddaniyadda far lo darin lagu dhiirigeliyo jidka cusub ee ay saxaafadda caalamka u jeexeen ee
ah Dhinac-weerarka , xaalad-abuurka, wardoon-la’aanta, diin la’aanta, damiir-boobka, qabacdagaalka, sharuur-doonka, fawdo-abuurka, suugaan-dilka, qoraal-jiidhka, taxane-doondoonka,
iwm. Si aan looba ledin hadday teenna noqon weydo;
– In la abuuro unugyo aan dhinacooda dhulka la dhigin oo u kala qaabilsan Gabboodka iyo
Isbahaysiga kharbudaadda , gacansiinta hor-iyo-dabadiidka, hoojiyayaasha talo kasta oo sugan,
hojiyayasha horumarka togan, furfurayaasha wadajirka, hoos-dhigayaasha waddaniyadda,
horboodayaasha dib-u-dhaca, halgamayaasha khayr-la-dirirka, horjoogayaasha ma-soohalgamayaasha, iwm.
– In, ugu dambayntii, bulshada la baro astaamaha
u gaarka ah Gabboodkan iyo ka-tirsanayaashiisa
si xybnaha bulshada ee danaynayaa ugu kala
biiraan soddonka madalood, goleyaal iyo
ardaayo ee Gabboodkani kulmiyo
2- Madalaha
1. Madasha Dantood-jirayaasha
2. Madasha Wada Tashiga & Toosinta Taban
3. Madasha Hor-iyo-daba-Diidka
4. Madasha Xamar-la-Heshiiya
5. Madasha Kayraadku-Waa-Kee
6. Madasha Dhiirrigelinta Tahriibka
7. Madasha Tacluustiyo Tawsta
8. Madasha Haddaan-talo-Doonay
9. Madasha Hurdaaban-ka-Toosay
10. Madasha Hayee-Wax-Na-Siiya
– Golayaasha
1. Golaha Keligii-Fariidka
2. Golaha Qurxinta Tawaawaca
3. Golaha Midaynta Muqdishiyo Hargeysa
4. Golaha Qaylo iyo Qayraan
5. Golaha Haweenka Baxdoobay
6. Golaha Fadhi-ku-Dirirka
7. Golaha Maalin-ku-Macaashka
8. Golaha Wegerta Bahawday
9. Golaha Wadaadka Beloobey
10. Golaha Wanjalaadda
– Ardaayada
1. Ardaaga Muwaadin Saqiiray
2. Ardaaga Dalkaan-la-colloobay
3. Ardaaga Indha-adaygga
4. Ardaaga Waxbaa La Cunaayey
5. Ardaaga Abaabulka Beesha
6. Ardaaga Dulmane-Doonka
7. Ardaaga Masayrka
8. Ardaaga Maqlaayda
9. Ardaaga Ma-geyno
10. Ardaaga Fadhiidka
Talona Waa Tan Gabboodka
Mudane Gheelle Talowaa
Xoghayaha Guud ee Gabboodka Talo Qasan.