-
Published On: Sun, Mar 6th, 2011

Tafaftirihii Berbera News Oo Maxkamadda Gobolka Saaxil Xoriyadiisa Usoo Celisay Kadib Markii Wax Denbi Ah Lagu Waayay

Smiley face
Share This
Tags

Berbera(ANN)Maxkamadda gobolka Saaxil ayaa maanta Xoriyadiisa u soo celisay Tafatiraha Shabakada wararka ee Berberanews Maxamed Siciid Cabdilaahi (Xarago), kadib markii uu Muddo afar maalmood ah ku xidhnaa magaalada Berbera, isla markaana  dacwadii lagu soo oogay  lagu waayay. Iyadoo

dacawada lagu
soo oogay  isugu jirtay laba qaybood oo ay kala wateen Maayarka magaalada berbera iyo Ciidanka CID-da, kuwaas oo  ay Maxkamaddu maanta dhegeysatay, isla markaana ku dhawaaqday inuu Fasax yahay Tafatiraha Shabakada wararka ee Berberanews, kadib markii uu Guddoomiyaha Maxkamaddu sheegay in Dacwadaha lagu soo oogay ay mid ka mid ahi ay Maxkamaddu burisay wakhti hore, isla markaana dacwadii labaad ee Maayarku ku soo oogay Tafatiraha shabakada wararka ee Berberanews uu caddaymo Maxkamadda horkeenay, iyadoo markii ay Maxkamaddu garowsatay Markhaatiyadana ay xoriyadiisii u celisay Wariye Maxamed Siciid Cabdilaahi Xorrago

Guddoomiyaha Maxkamadda Gobolka Saaxil Cismaan Ibraahin Daahir oo markii uu akhriyey dacwadaha kala duwan ee loo haystay Weriyaha waxa uu sheegay in dacwadda labaad ee xukunka saddexda sanno hore loogu riday Titatiraha Shabakedda Maxamed Siciid Cabdillaahi ay maxkamaddu burisay oo aan hadda waxba looga haysan, isagoo u gudo-galay eeda koobaad oo uu Tifatiraha wax ka weydiiyay inuu qirto ama diido inuu isagu qoray warka ku saabsan saaqiyadaha dawladda hoose ka wado Berbera iyo inuu caddayn u hayo gabadh goob joog ka ahayd shilka dhacay saaqiyadaha oo shebekadda Berberanews u sheegtay inay jiraan dad wax ku noqday.

Tifatiraha Berberanews, Maxamed Xarrago, ayaa isagu qirtay inuu gacantiisa ku qoray warka lagu soo eedeeyay, isla markaana uu haysto markhaatiyaashii goob-jooga ka ahaa goobtii uu Shilkaasi ka dhacay, isagoo Maxkamadda uu ka markhaati furay mid ka mid ah Dadkii goobjooga ka ahaa Shilkaas, isaga oo tifatiruhu maxkamadda ka codsaday in xoriyaddiisa u soo celiso.

Guddoomiyaha Maxkamadda Gobolka Saaxil Cismaan Ibraahin Daahir, ayaa intaa ka dib ku dhawaaqay inuu xoriyadiisii u soo celiyay Maxkamadu Tifatiraha Shabakedda wararka ee Berberanews Maxamed Siciid Cabdillaahi.
Araweelonews Mobile
Somaliland Office
E-mail. info@araweelonews.com

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>