Hargeysa(ANN) Shirkada Dahabshiil ayaa sheegtay inay kordhiyeen saacadaha shaqada ee adeega xafiisyadeeda si ay u raali geliso macaamiisheeda kala jooga daafaha dunida. Sidaana waxa lagu sheegay qoraal kooban oo shirkadu kasoo saartay caawa xafiiskeeda ugu weyn ee xarunta Magaalada
Hargeysa.
Qoraalkaa ayaa u qornaa sidan:-“ Waxa macaamiisha sharafta leh ee shirkadda Dahabshiil, meel kasta oo ay joogaanba, lagu wargelinayaa in laamaha waaweyn ee shirkadda Dahabshiil ay shaqayn doonaan, una furnaan doonaan macaamiisha, ilaa 9:00 fiidnimo si macaamiishu uga bogato adeegga shirkadda 10ka maalmood ee dambe ee bisha Barakaysan ee Ramadaan uguna diyaar garoobaan maalmaha Ciidda ee farxadda badan ee ka dambeeya.
Alle ha idinka abaalmariyo cibaadadiinna iyo camalkiinna sugan. Aamiin.
Araweelonews Mobile
Somaliland Office
E-mail; Info@araweelonews.com
jaamac132@gmail.com
shalcaw2@hotmail.com