Hargeysa(ANN)Madaxweynaha Somaliland Md. Axmed Maxamed Maxamuud (Siilaanyo) ayaa dhambaal tacsi ah u diray qoyskii, qaraabadii iyo shacbiga reer Somaliland ee uu ka baxay Alle ha u naxariistee Marxuum- Ibraahim Maygaag Samatar oo ka mid ahaa halyeeyadii Ururkii SNM iyo aqoonyahanada waaweyn
ee dalka oo xalay ku geeriyooday dalka Jabaan oo uu muddo sanado ah ka ahaa macalin jaamacadeed.
Dhambaalka Madaxweynuhu u diray qoyskii uu ka baxay Prof Ibraahim Maygaag Samatar wuxuu u dhignaa sidan:-
“Madaxweynaha JSL Mudane: AXMED MAXAMED MAXAMUUD (SIILAANYO) waxa uu tacsi u dirayaa Qoyskii, Qaraabadii iyo Asxaabtii iyo Guud ahaanba Shacbiga Reer Somaliland ee uu ka baxay ALLE ha u naxariistee MARXUUM IBRAAHIM MAYGAAG SAMATAR oo ku geeriyooday Tokiyo waxaanu ilaahay uga baryayaa inuu qabriga u nuuro naxariistiisana janno ka waraabiyo
Waxaanu Dhambaalkan Madaweynuhu ku yidhi ( Aniga oo ku Hadlaaya Magacayga Ka Dawlada iyo Ka shacbiga Reer Somaliland-ba waxan Tacsi u Dirayaa Qoyskii, Qaraabadii iyo Asxaabtii iyo Guud ahaanba Shacbiga Reer Somaliland ee uu ka baxay alla ha u naxariistee MARXUUM IBRAAHIM MAYGAAG SAMATAR oo ku geeriyooday Tokiyo ALLE Ha u naxariistee MARXUUM Ibraahim Maygaag SAMATAR waxa uu ahaa Aqoonyahan. Siyaasi iyo Halyey Taariikh ku lahaa Dalka iyo Halgankiiba.
ILLAAHAYNA waxan uga Baryahaa inuu Qabrigiisa u nuuro Naxariistii Janno ka waraabiyo.”