cusub ee uu qoorta u sudhay isuduwihii labaad ee dhalinyaro ah ee xil u qabta gobolka Sanaag
Waxana uu gudomiye Caydaruus ku sifeeyay Isudawaha cusub ee ciyaaraha Maxamed Siciid Salaax (Dhegayare) inuu yahay masuul kasoo dhalaali doona mansabka cusub ee uu ka qabtay gobolkiisa Sanaag isagoona iftiimiyay halka uu kaga suntahay masuulkan cusub qabashada koobkii ciyaaraha degmada ceerigaabo ee bishi ramadaan sida habsamida ah magaladda ceerigaabo uga qabsoomay
Sidoo kale Gudomiyaha Hay’addaa waxa uu balan qaaday inay dhalinyaro ahaan iyo urur ahaanba la shaqayn doonaan masuulka cusub ee wasaaradda Ciyaarauhu u magcawday hawshaa, isagoo ku hambalyeeyay xilka loo magaacabay, wuxuuna illaahay uga baryay inuu hawshaa culus la garab galo
Geesta kalena waxa uu Gudomiyuhu masuul hawlkar iyo hufnaan kusoo shaqeeyay ku tilmaamay isuduwihii hore ee Wasaaradda, isagoo farta ku fiiqay guulaha dhanka horumarka ee wasaradda ka taaba-galay intii uu hayay Isu Duwiihi Hore oo haatan xilka laga qaaday Madar Ducaale Xasan (Djibouti), wuxuuna Isuduwaha cusub usoo jeediyay in uu hawsha halkaa kasii wado.
Isuduwaha cusub ee Wasaaradda DhaliyaraddaCiyaaraha iyo Dalxiiska Maxamed Siciid Saalax ayaa noqonaya Masuulkii labaad ee dhalinyaro ah ee xilka Isuduwe ahaan loogu magcaabo gobolka Sanaag dhowaan ayay ahayd markii Wasaaradda qorshaynta Qaranku u magcawday Isuduwe gobolka Sanaag, kaas po ahaa Isuduwiihi u horeeyay ee dhalinyaro ah ee wasaaradda qorshaynta qaranku u magcawdo xilkaa.