-
Published On: Thu, Apr 4th, 2013

Ciidamadamo Ka Socda Dalka Siera Leone Oo Gaadhay Somalia Iyo Dareeno Kala Duwan Oo Laga Bixiyay

Smiley face
Share This
Tags

Muqdisho(ANN) Saraakiisha howgalka Midowga Afrika ee AMISOM ayaa soo dhaweeyay maanta qaybtii ugu horreysay ciidammo ka socda dalka Sierra Leone ee

gaadha Muqdisho, kuwaas oo qayb ka noqonaya ciidamada AMISOM eek u sugan Somalia.

Qoraal kasoo baxay xafiiska AMISOM ayaa lagu sheegay  in Ciidamada Sierra Leone oo gaadhay Somalia ay hordhac u yihiin ciidamo ay hore ugu balanqaaday Dawlada Sierra Leone oo qaybtooda kale ay soo gaadhayso Muqdisho maalmaha soo socda, kuwaas oo ay  AMISOM sheegtay in lagu xoojinayo oo ay ka dhinac shaqeynayaan ciidamada Kenya ee ku sugan Koonfurta Soomaaliya, gaar ahaan magaalada Kismaayo.

Ergayga gaarka ah ee Midowga Afrika ayaa soo dhaaweeyay ciidamadan hordhaca ah eek a socda Sierra Leone, isagoo sheegay in lagu midaynayo  ciidamada AMISOM oo wada qorshe ay horay u ballanqaadeen oo ah inay nabad kusoo celiyaan Soomaaliya, isagoo intaa raaciyay inay qayb xoog leh ka qaadanayaan nabadeynta Koonfurta Soomaaliya.

Dalka Sierra Leone ayaa noqonaya dalkii shanaad oo ciidammo qayb ka ah AMISOM u soo dira gudaha Soomaaliya, iyadoo horay ciidammo u soo direen dalalka, Burundi, Djibouti, Uganda iyo Kenya, kuwaas oo dagaallo kula jira Al-shabaab oo weli deegaanno badan oo Soomaaliya ku yaalla ka talisa, isla markaana u muuqatay mudooyinkan inay deegaamo hore ay uga baxeen dib u qabsadeen. kadib markii ay ciidamada Ethiopia ka baxeen deegaamo ka tirsan halkaa.

Dhinaca kale Ciidamada ka socda Sierra Leone ayaa dadka qaar soo dhoweeyeen, kuwaas oo sheegay in aanay qayb ka noqonayn khilaafka ka taagaan deegaamada Kismaayo, maadaama aanay Sierra Leone   xuduud la wadaagin Somalia, balse waxa jira dadka qaar ku tilmaamay ciidamada kuwo qabsanay Somalia oo mustaqbalka dhibaato ku keenaya bulshada Sooomaalida, iyagoo ku dooday in ay saamayn ku yeelayaan dhaqanka bulshada iyo diinta, isla markaana ay horsed u noqon karaan dhibaatooyin dhinaca dhaqanka iyo caqiidada bulshada ah.

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>